全球定位器越嚟越流行，體積細細，只要靠Apple Find My App就可以輕鬆定位到重要物品！

今次新品速遞嘅PinPop Lite最特別之處係有自定義貼紙設計，令每一個PinPop Lite都係獨一無二，亦可以寫返名方便其他人執到比返你，同時方便用家自己記錄每個PinPop Lite嘅用途，甚至可以用嚟傳達訊息比其他人！
PinPop Lite自帶開孔設計，可以更輕鬆將佢掛喺任何隨身物品上。全球定位器最常用嘅用法就係掛喺鎖匙、銀包等重要物品上，萬一遺失咗就用Find My App定位物品；而用家可以喺PinPop Lite嘅自定義貼紙上寫上姓名、電話、電郵等聯絡方式，方便比意外執到嘅人聯絡，更加容易揾返物品～